ऊर्जा खबर
काठमाडौं । हिल्टन हाइड्रो इनर्जी कम्पनीले १२ मेगावाटको सुपर काबेली खोला जलविद्युत आयोजना निर्माण गर्ने भएको छ । ताप्लेजुङको काबेली खोलामा पहिचान भएको आयोजना कम्पनीले अगाडी बढाएको हो ।
यो आयोजनाको अध्ययन पूरा भइसकेको छ । कम्पनीले आयोजनाको निर्माण सुरु गर्न उत्पादन अनुमतिपत्रका लागि विद्युत विकास विभागमा आवेदन दिएको छ । कम्पनीले गत असार २२ गते उत्पादन अनुमतिपत्रका लागि विभागमा आवेदन दिएको हो ।
विभागले उत्पादन अनुमति दिएपछि मात्रै आयोजनाको निर्माण प्रक्रिया अघि बढ्नेछ । यो आयोजनाको संरचना ताप्लेजुङको खेवाङ, ममाङ्खे र यामफुदीनमा निर्माण हुनेछन् ।
कम्पनीले २०७४ जेठ ३ गते विभागबाट अध्ययन अनुमति लिई आयोजनाको अध्ययन सुरु गरेको थियो । अहिले उत्पादन अनुमतिपत्र लिन ३७ जलविद्युत कम्पनीले विभागमा आवेदन दिएका छन् । यी कम्पनीले अघि बढाएका यी जलविद्युत आयोजनाको जडित क्षमता २ हजार ३ सय ८९ मेगावाट छ ।
.jpg){kind=spacer}
