ऊर्जा खबर
काठमाडौं । सोलुखुम्बु जिल्लाको खुम्बु पासाङल्यामु गाउँपालिकाको वडा नम्बर २ मा निर्माणाधीन लुजा खोला जलविद्युत आयोजनाका लागि आयोजना प्रबन्धक (प्रोजेक्ट म्यानेजर) माग गरिएको छ । प्रवर्द्धक सिल्क पावर प्रालिले २४.८८ मेगावाटकाे आयोजनाका लागि आयोजना प्रबन्धकका लागि आवेदन माग गरेको हो ।
निर्माणाधीन आयोजनाका लागि एक जना प्राजेक्ट म्यानेजर माग गरिएको कम्पनीले जनाएको छ । कम्पनीका अनुसार सिभिल इन्जिनियरीङमा स्नाकोत्तर पूरा गरी जलविद्युत परियोजनाको निर्माण र व्यवस्थापनमा ४ वर्षको अनुभव भएकोले आवेदन दिन सक्नेछन् ।
साथै, सिभिल इन्जिनियरिङमा स्नातक पूरा गरी जलविद्युत परियोजनाको निर्माण/व्यवस्थापनमा ६ वर्षको अनुभव भएकोले पनि आवेदन दिन सक्नेछन् । यसैगरी, निर्माण सुरुदेखि सम्पन्न भएको जलविद्युत आयोजनामा परियोजना प्रखुम/सह–प्रमुख सरहको पदको कार्यानुभव भएको हनुपर्नेछ ।
योग्यता पुगेका इच्छुकले ७ दिनभित्र नागरिकताको प्रतिलिपि, पासपोर्ट साइजको फोटो, शैक्षिक योग्यताको प्रमाणपत्रको प्रतिलिवि, बायोडाटा, निवेदन र अन्य आवश्यक कागजातसहित आवेदन दिनुपर्नेछ ।
कम्पनीले यो आयोजनाको अध्ययन पूरा गरी निर्माण प्रक्रिया अघि बढाएको छ । आयोजनाको भौतिक संरचनाहरू खुम्बु पासाङ ल्यामु गाउँपालिकाको वडा नम्बर २ मा रहनेछ । आयोजनाको बाँध समुन्द्र सतहबाट ३२०३ मिटर उचाँइमा रहनेछ । आयोजनाको बाँधबाट २.४ किलोमिटर लामो हेडरेस सुरुङ र १.६४ किलोमिटर लामो पेनस्टक पाइपमार्फत पानीलाई विद्युतगृहमा पुर्याइनेछ ।
विद्युतगृहमा ८.७ मेगावाटको ३ वटा टवाईनमा जडान भएको जेनेटेरमार्फत विद्युत उत्पादन गरिनेछ । आयोजनाबाट वार्षिक १६७.३१० गिगावाट घन्टा विद्युत उत्पादन हुनेछ । उत्पादित विद्युत १३२ केभी प्रसारण लाइनमार्फत ३५ किलोमिटर दुरीमा रहेको नेपाल विद्युत प्राधिकरणको तिङला सबस्टेसनमा जोडिनेछ ।
