ऊर्जा खबर
काडमाडौं । रसुवा २१६ मेगावाटको माथिल्लो त्रिशुली-१ जलविद्युत आयोजनामा खटाउन गरी इन्जिनियर माग गरिएकाे छ । जोइन्ट भेन्चर अफ ट्राय्कटेवल इन्जिनियरीङ जीएमबीएच एण्ड जेड कन्सल्ट प्रालिले तिव्र गतिमा अघि बढेकाे आयोजनामा खटाउने गरी ३ इन्जिनियरका लागि आवेदन खुल्ला गरेकाे हाे ।
निर्माणाधीन आयोजनामा खटाउने गरी १ जना प्रखुम निवासी इन्जिनियर, १ जना प्रमुख डिजाइन इन्जिनियर र १ जना निवासी हेड इन्जिनियर अथवा भूवैज्ञानिक गरी जम्मा ३ इन्जिनियर माग गरेको कम्पनीले जनाएको छ । कम्पनीका अनुसार प्रमुख निवासी इन्जिनियरको लागि सिभिल इन्जिनियरिङ विषयमा स्नाकोत्तर तह उतिर्ण गरी हाइड्रो पावर क्षेत्रमा कम्तीमा पनि २५ वर्ष काम गरेको अनुभव हुनु पर्नेछ ।
यसैगरी, प्रखुम डिजाइन इन्जिनियरको लागि सम्बन्धीत विषयमा स्नात्तक तह उत्तीर्ण गरी हाइड्रो पावर क्षेत्रमा कम्तीमा पनि १५ वर्ष काम गरेको अनुभव हुनुपर्ने र डिजाइन इन्जिनियरमा ५ वर्ष काम गरेको अनुभव हुनुपर्ने जनाएको छ ।
रेसिडेन्ट हेड इन्जिनियरको र भुवैज्ञानिकका लागि सिभिल इन्जिनियरिङ विषयमा स्नात्तक तह उतिर्ण गरी हाइड्रो पावर क्षेत्रमा कम्तीमा पनि २० वर्ष काम गरेको अनुभव हुनुपर्नेछ । इच्छुक योग्य व्यक्तिले चैत १२ गतेसम्म आवेदन दिन सक्नेछन् ।
यस्तै, नेपाल विद्युत प्राधिकरणकाे सहायक तनहुँ हाइड्रो पावर कम्पनीले पनि एक जना वातावरण विदका लागि आवेदन खुलाएकाे छ । कम्पनीले निर्माणाधीन १४० मेगावाटकाे जलविद्युत आयाेजनामा खटाउने गरी वातावरण विद्का लागि आवेदन खुल्ला गरेकाे हाे । यसका लागि आगामी ७ दिनभित्र आवेदन बुझाउनुपर्नेछ ।
आवेदकले आवेदन दिदा बायोडाटा, नेपाली नागरिकताकोे प्रमाणपत्र, शैक्षिक योग्यताको प्रमाणपत्रको प्रतिलिपि, पासपोर्ट साइजको फोटोसहित बुझाउनुपर्नेछ। आवेदमध्ये प्रमाणपत्र र सम्बन्धीत क्षेत्रमा बढी कार्यअनुभव भएकाले रोजगरीको अवसर पाउनेछन् ।
