ऊर्जा खबर
काठमाडौं । काठमाडौं विश्वविद्यालय (केयू) र निजी क्षेत्रको तर्फबाट जलविद्युत् विकासमा परामर्शदाता तथा निर्माणको काम गर्दै आएको जेड कन्सल्ट प्रालिबीच समझदारीपत्र (एमओयू) मा हस्ताक्षर भएको छ ।
एमओयू अनुसार केयूसँगको सहकार्य तथा समन्वयमा जेड कन्सल्टले पूर्वाधार विकासमा सहजीकरण गर्ने । हरित हाइड्रोजन ल्याब विस्तार गर्नेछ । हाइड्रोजन अनुसन्धान तथा उत्पादनमा समेत कम्पनीले केयूसँग मिलेर काम गर्ने जनाइएको छ ।
दुवै पक्षले जलविद्युत् तथा हरित हाइड्रोजनसहितको नवीकरणीय ऊर्जा विकासलाई उच्च प्राथमिकतामा राखेर काम गर्ने पनि एमओयूमा उल्लेख छ । भविष्यमा राष्ट्रिय तथा अन्तर्राष्ट्रियस्तरमा गर्न सकिने सम्भावित व्यावसायिक कामका विषयमा समेत सहकार्य हुने जनाइएको छ ।
विगत दुई दशकदेखि जलविद्युत् विकासमा काम गर्दै आएको जेड कन्सल्टले आयोजनाका लागि पराशर्म सेवा, अध्ययन तथा निर्माणमा समेत काम गर्दै आएको छ । जलविद्युत्मात्र नभएर पूर्वाधारका अन्य क्षेत्रमा समेत कम्पनीले आफ्नो कार्यक्षेत्र विस्तार गरिरहेको छ ।
