ऊर्जा खबर
काठमाडौं । उपप्रधान एवम् ऊर्जा, जलस्रोत तथा सिँचाइ मन्त्री राजेन्द्रप्रसाद लिङ्देनले नेपाल विद्युत प्राधिकरणले यसअघि तय गरेको सौर्य विद्युतको खरिद दरका विषयमा पुनर्विचार गरिने बताएका छन् ।
आज बिहीबार मन्त्री लिङ्देनलाई भेट्न पुगेको सौर्य ऊर्जा उत्पादक संघ (सोपान) का अध्यक्ष डा. सन्दिप शाहसहितको टोलीसँगको कुराकानीमा उनले यस्तो बताएका हुन् । प्राधिकरणले सौर्य विद्युतका लागि तय गरेको प्रतियुनिट ५.९४ रुपैयाँको विद्युत खरिद दर व्यवहारिक नभएको हुँदा संशोधन गर्न संघले अनुरोध गरेको थियो ।
प्राधिकरणले तय गरेको उक्त दरमा पुनर्विचार गरी सौर्य विद्युत उत्पादनलाई समेत प्रोत्साहन गरिने विश्वास दिलाएको सोपानले जानकारी दिएको छ । सोपान टोलीमा शाहसहित विनय रावल, निशान्त गोयल, निखल राख बाँका, नविनकुमार सिंह र प्रदिप गंगोल थिए ।
