विद्युत अपडेट

  • प्राधिकरण : ९९७३ मे.वा.घन्टा
  • सहायक कम्पनी : ११६६० मे.वा.घन्टा
  • निजी क्षेत्र : २२६९९ मे.वा.घन्टा
  • आयात : ३६४४ मे.वा.घन्टा
  • निर्यात : ३६४५ मे.वा.घन्टा
  • ट्रिपिङ : २१५० मे.वा.घन्टा
  • ऊर्जा माग : ५०१२६ मे.वा.घन्टा
  • प्राधिकरण : मे.वा.
  • सहायक कम्पनी : मे.वा.
  • निजी क्षेत्र : मे.वा.
  • आयात : मे.वा.
  • निर्यात : मे.वा.
  • ट्रिपिङ : मे.वा.
  • उच्च माग : २३०७ मे.वा.
२०८१ असार १, शनिवार
×
जलविद्युत सोलार वायु बायोग्यास पेट्रोलियम अन्तर्राष्ट्रिय ई-पेपर जलवायु ऊर्जा दक्षता उहिलेकाे खबर हरित हाइड्रोजन ईभी सम्पादकीय बैंक पर्यटन भिडियो छापा खोज प्रोफाइल ऊर्जा विशेष

भव्या इन्टरनेशनलले विगत १२ वर्षदेखि विद्युतीय सवारीको अध्ययन, अनुसन्धान, बजार व्यवस्थापनमा अनुभव बटुल्दै आएको छ । इलेक्ट्रिक रिक्सा, ब्याट्रीमा लामो समयदेखि काम गर्दै आएको कम्पनी पछिल्लो २ वर्षदेखि नेपालको वातावरणलाई सुहाउँदो विद्युतीय बाइसाइकल बिक्री वितरण गर्दै आएको छ । कम्पनीले आगामी एक वर्षभित्र नेपालमै उत्पादन गर्ने लक्ष्य राखेको छ । यही विषयमा कम्पनीका बजार व्यवस्थापक रमेश साहसँग उर्जा खबरले गरेकाे कुराकानीकाे सार ः

इलेक्ट्रिक बाइसाकल नेपालमा कहिलेदेखि सञ्चालनमा आएको हो ?

यो लामो समयको अध्ययन अनुसन्धानपछि सञ्चालनमा ल्याइएको छ । यो इ जी कम्पनीको ब्रान्ड हो जुन स्विजरल्याण्डमा र नेपालमा पाइन्छ । नेपालको बजार, भौगोलिक अवस्था र वातारणलाई ध्यानमा राखेर भित्र्याइएको हो । नेपालको वातावरणलाई मध्यनजर गरेर आवश्यकता अनुसार अर्डर गरेर बनाउन लगाइएको हो । यो नेपाली बजारमा आएको २ वर्ष मात्र भयो ।

यो २ वर्षको अवधिमा कति बिक्री भयो ?

अहिलेसम्म ३ हजार बढी बाइसाइकल बिक्री भइसकेका छन् । मुख्य सहरहरू आउटलेट पनि बनाइसकेका छौं । हामी जहाँ पनि डेलिभेरी गर्न सक्छौं । बाइसाइकलमा केही समस्या आएपनि हामी कम्पनीमार्फत साथ दिन्छौं । बाइसाइकले राम्रो बजार लिएकोले आगामी ६ महिनादेखि १ वर्षभित्र नेपालमै उत्पादन सुरु गरिनेछ । यसका लागि तयारी भइरहेको छ । यो पछि हामी स्कुटर पनि ल्याउछौं ।

नेपालमा यसको प्रमुख कार्यालय कता छ ?

यसको प्रमुख कार्यालय विराटनगरमा छ, अन्य ठाउँमा डिलरहरू छन् । हामीसँग २० बढी मोडलहरू छन् । यसमा हामीले ८-९ वर्षका केटाकेटीदेखि बूढाबूढीसम्मका मानिसले चलाउन सक्ने सबै प्रकारका बाइसाइकलहरू छन् ।

यो फुल चार्ज गर्न कति समय लाग्छ ?

यो बाइसाइकल फुल चार्ज गर्न चार्ज शून्य छ भने लगभग ४ घन्टा लाग्छ । एक पटक चार्ज गर्दा ४० देखि १६० किलोमिटरसम्म गुड्न सक्छ ।

मानिसले यो बाइसाइकल नै किन चलाउने त ?

यदि, तपाईंसँग कार पनि छ स्कुटर पनि छ भने पनि यो बाइसाइकल पनि राख्नुहोस् । किनकि, सजिलो र छिटोको लागि यो उपयोगी छ । कार, स्कुटर नजाने ठाउँमा यो सजिलै जान्छ । स्वास्थ्यका लागि, पैसा बचत, व्यायामका लागि, स्वच्छ वातावरण र छिटोछरिताका लागि याे एकदम उपयोगी छ ।

मानिसहरूले खरिद गर्न चाहेकाे खण्डमा यो बाइसाइकल कहाँ कसरी उपलब्ध हुन सक्छ ?

देशभित्र हाम्रा धेरै डिलरहरू छन्, इच्छुक व्यक्तिले अनलाइनमार्फत पनि अर्डर गर्न सक्छन् । गत मंसिर १६ गतेदेखि १८ गतेसम्म काठमाडौंको भृकुटीमण्डपमा भएको विद्युतीय सवारी एक्स्पोमा पनि धेरैले खरिद गर्ने इच्छा देखाउनु भएको थियो । एक्स्पोमा मात्र किन्न चाहाने ४०० बढीले नाम र नम्बर टिपाएर जानुभएको छ ।

यो बाइसाइकलको मूल्य कतिदेखि सुरु हुन्छ ?

बाइसाइकलको मूल्य ६० हजारदेखि १ लाख ४५ हजार रुपैयाँसम्म छ । यसमा ४८ भोल्ट २० एम्पियर आवरसम्म डुअल लिथियम आयोन ब्याट्री जडान गरिएको हुन्छ, जसको मोटरको क्षमता २५० वाट हुन्छ ।

प्रतिक्रिया दिनुहोस

© 2024 Urja Khabar. All rights reserved
विज्ञापनको लागि सम्पर्क +९७७-१-५३२१३०३
Site By : Nectar Digit