ऊर्जा खबर
काठमाडौं । वैकल्पिक ऊर्जा प्रवर्द्धन केन्द्रले सौर्य ऊर्जामा आधारित सौर्य प्रणाली तथा उपकरण जडान गर्न आवेदन माग गरेको छ । केन्द्रले सौर्य ऊर्जा शाखा अन्तर्गतका विभिन्न कार्यक्रमहरू आर्थिक वर्ष (आव) २०८०/८१ मा कार्यन्वयन गर्न आवेदन माग गरेको हो ।
केन्द्रले चालु आवमा ५ वटा सौर्य ऊर्जामा आधारित सौर्य आयोजना र प्रणाली जडान गर्न इच्छुक स्थानीय तह, कृषकहरूसँग आवेदन माग गरेको छ । कृषि सिँचाइका लागि सौर्य पम्प जडान, सामुदायिक, सार्वजनिक एंव धार्मित स्थानहरूमा सौर्य ऊर्जा प्रणाली जडान, उज्यालो नेपालका लागि राष्ट्रिय मिनिग्रीड कार्यक्रमका लागि आवेदन माग गरेको छ ।
यसैगरी, स्थानीय तह, सार्वजनिक स्वास्थ्य संस्था/कार्यालय/विद्यालयहरूमा सौर्य ऊर्जा प्रणाली जडान गर्न र खानेपानी आयोजनाका लागि सौर्य पम्पिङ प्रणाली जडान गर्न आवेदन माग गरेको केन्द्रले जनाएको छ ।
सौर्य प्रणाली जडान गर्न इच्छुक स्थानीय, सार्वजनिक स्वास्थ्य संस्था/कार्यालय/विद्यालय, उपभोक्ता समिति तथा कृषकहरूले आवश्यक कागजातसहित सम्भाव्यता अध्ययन फारम भरी आवेदन दिनुपर्नेछ । इच्छुकले साउन २३ गतेसम्म केन्द्रको कार्यालयमा आइपुग्ने गरी आवेदन दिन सक्नेछन् ।
