अपर अरुण हाइड्रो–इलेक्ट्रिक लिमिटेडले माग्यो वरिष्ठ इन्जिनियर र जियोलोजिस्ट

काठमाडौँ । अपर अरुण हाइड्रोइलेक्ट्रिक लिमिटेडले दुई पदमा कर्मचारी माग गरेको छ । कम्पनीले करार सेवामा पदपूर्ति गर्न लोक सेवा आयोगबाट लिएको परीक्षामा उत्तीर्ण भई प्रतीक्षा सूचीमा रहेका उम्मेदवारबाट आवेदन माग गरेको हो ।

कम्पनीले तह ८ को वरिष्ठ इन्जिनियर र तह ७ को जियोलोजिस्ट पदमा एक–एक जना कर्मचारी माग गरेको छ । लोक सेवा आयोगबाट लिइएको परीक्षामा उत्तीर्ण भई २०८१ भदौ २१ देखि २०८३ भदौ २१ सम्म प्रकाशित नतिजाबाट प्रतीक्षा सूचीमा रहेका इच्छुक उम्मेदवारहरूबाट आवेदन आह्वान गरेको हाे ।

कम्पनीले ७ दिनभित्र रीतपूर्वक दरखास्त पेश गर्न आह्वान गर्दै मंगलबार सूचना जारी गरेको छ । दरखास्त फाराम कम्पनीको वेबसाइट www.uahel.com.np मा उपलब्ध रहेको जनाइएको छ ।

कम्पनीले संखुवासभामा निर्माण अघि बढाइरहेको १,०६१ मेगावाटको माथिल्लो अरुण जलविद्युत् आयोजनासँग सम्बन्धित जनशक्ति व्यवस्थापनका लागि पदपूर्ति प्रक्रिया अघि बढाएको हो ।