ऊर्जा खबर
काठमाडौं । नेपाल विद्युत पाधिकरणले विद्युत महसुल अनलाइनबाट भुक्तानी गर्दा ५ रुपैयाँ सेवा शुल्क (चार्ज) लाग्ने निर्णय गरेकाे छ । आर्थिक वर्ष २०७८/७९ देखि अनलाइन भुक्तानी गर्दा यस्ताे शुल्क लाग्ने निर्णय गरेकाे हाे ।
प्राधिकरणका अनुसार ५ सय रुपैयाँदेखि ५ लाख रुपैयाँसम्म विद्युत महशुल अनलाइनबाट भुक्तानी गर्दा ५ रुपैयाँ र ५ सयभन्दा कम तिर्दा सेवा शुल्क लाग्ने छैन । यसरी महसुल तिर्न १२ वटा सेवाप्रदायक छनाेट भएका छन्, जसमा स्पाराे पे प्रालि, इ-सेवा, सेलकोम प्रालि, आइएमई डिजीटल सोलुसन, हिमालयन बैंक, नेपाल डिजिटल पेमेन्ट, प्रभु बैंक, नेपाल इनभेसमेन्ट बैंक, आइक्यास प्रालि र महालक्ष्मी डेभलपमेन्ट बैंकबाट महशुल तिर्दा ५ रुपैयाँ सेवा शुल्क लाग्ने उल्लेख छ ।
दुई वटा सेवाप्रदायक अर्थात् सजिलाे पे र पे वेलबाट महसुल भुक्तानी गर्दा क्रमशः ४.८० रुपैयाँ र ३ रुपैयाँ सेवाशुल्क लाग्नेछ ।
