ऊर्जा खबर
काठमाडौँँ । आँखुखोला जलविद्युत् कम्पनीलाई हकप्रद सेयर निष्कासन गर्न धितोपत्र बार्डले अनुमति दिएको छ । कम्पनीको सेयर निष्कासन र बिक्री प्रबन्धक नबिल इन्भेष्टमेन्ट बैंकिङ रहेको छ ।
कम्पनीलाई १ करोड २० लाख कित्ता हकप्रद सेयर निष्कासन गर्न अनुमति दिइएको छ । बोर्डले कम्पनीलाई असार १९ गते हकप्रद सेयर निष्कासन गर्न अनुमति दिएको हो । बोर्डले कम्पनीलाई हाल कायम १ कित्ता सेयर बराबर नयाँ १.५ कित्ता सेयर निष्कासन गर्न अनुमति दिएको
हो ।
कम्पनीले गणेश हिमाल हाइड्रोपावर प्राइभेट लिमिटेडले प्रवर्द्धन गर्न लागेको २० मेगावाट क्षमताको आँखुखोला–२ जलविद्युत् आयोजनामा लगानी गर्नका लागि हकप्रद बिक्री गर्न लागेको बताएको छ ।
कम्पनीले २०० प्रतिशत हकप्रद सेयर निष्कासन गर्न अनुमति मागेकोमा यसअघि विद्युत् नियमन आयोगबाट १५० प्रतिशत हकप्रद सेयर निष्कासन गर्न अनुमति दिइएको थियो ।
कम्पनीको हाल चुक्तापूँजी ८० करोड रूपैयाँ छ ।
