ऊर्जा खबर
काठमाडौँ । डेडिकेटेड फिडर तथा ट्रङ्क लाइनको बिजुली प्रयोग गरी प्रिमियम महसुल बाँकी राखेका भैरहवा औद्योगिक क्षेत्रका ४ वटा उद्योगले बक्यौता भुक्तानी गरेका छन् ।
सो क्षेत्रमा सञ्चालित यशोदा फुड्स प्रालिले ४ लाख २५ हजार २३१ रुपैयाँ, सोना प्याकेजिङ उद्योगले ३ लाख ५५ हजार ६७ रुपैयाँ, सोना पोलिमर्स इन्डस्ट्रिजले ३ लाख ४६ हजार ३८९ रुपैयाँ र जयदुर्गा प्लास्टिक उद्योगले ७० हजार ५३२ रुपैयाँ बक्यौता भुक्तानी गरेकाे प्राधिकरण स्राेतले बताएकाे छ ।
स्राेतका अनुसार प्रिमियम महसुल दरअनुसार नेपाल विद्युत् प्राधिकरणले जारी गरेको छुट विल अनुसार २५ प्रतिशत जरिवानासहित यी उद्योगले बक्यौता बुझाएको हुन् ।
प्राधिकरणले तिर्नुपर्ने दावी गर्दै आएकाे र औद्याेगिक ग्राहकले तिर्नुपर्ने आधार नदेखिएकाे भन्दै नतिर्ने अडानका लिएका कारण डेडिकेटेड फिडर र ट्रङ्क लाइनबाट सेवा लिएका ग्राहकले तिर्नुपर्ने महसुललाई विवादकाे विषय बनाइँदै आएकाे छ । झण्डै ५ दर्जन उद्याेगले यस्ताे महसुल तिर्न बाँकी रहेकाे प्राधिकरणले बताउँदै आएकाे छ ।
