ऊर्जा खबर
काठमाडाैँ । अछाम जिल्लाकै अति विकट, दुर्गम र पिछडिएको क्षेत्र मानिएको तुर्माखाद गाउँपालिकाका दुई वडा वडामा दैलेखबाट विद्युत् लगेर विद्युतीकरण गरिएको छ । दैलेखको सीमा नजिक पर्ने अछामको तुर्माखाद वडा नम्बर १ रहफ र वडा नम्बर २ मा पर्ने भुलु क्षेत्रमा दैलेख वितरण केन्द्रबाट बिजुली पुर्याइएको हो । यसबाट ती वडाका १ हजार ३२ घरधुरी मध्ये करिब २३० घरधुरी अर्थात करिब २० प्रतिशत घरमा बिजुली सेवा पुगेको केन्द्रका प्रमुख नरेश रावलले बताए । त्यस्तै कर्णाली राजमार्ग/कर्णाली नदी करिडाेरका थप ५० घरधुरीमा समेत बिजुली पुगेकाे उनले बताए ।
‘कर्णालीपारि पर्ने ती दुई वडाका स्थानीयले लामो समयदेखि विद्युतीकरणको माग गरिरहेका थिए,’ उनले भने, ‘अछामतर्फबाट त्यहाँ विद्युतीकरण गर्न पनि सहज थिएन । त्यसपछि दैलेख वितरण केन्द्रबाट वितरित दुल्लु र जम्बुकाध फिडर विस्तार गरी सो स्थानमा बिजुली पुर्याइएको हो । यसक्षेत्रका अझै ६० प्रतिशत गाउँ बस्तीमा बिजुली पुर्याउन बाँकी छ ।’
फेरीबाट कर्णाली तारेर ३ वटा ट्रान्सफर्मर र पोलहरू लगी जडान गरेर सो ठाउँमा बिजुली पुर्याइएको हो ।’ हिरा नेपाली निर्माण सेवा कम्पनी जुम्लाले लाइन निर्माणको काम गरेको केन्द्रले जनाएको छ । त्यस्तै गाउँमा बिजुली पुर्याउन स्थानीय जनप्रतिनिधिहरूको सक्रियतासमेत प्रभावकारी देखिएको बताइएको छ ।
गाउँपालिका केन्द्र पुग्न समेत भरपर्दो सडक सुविधा नभएको उक्त स्थानका मानिस दैलेखतिरबाट झोलुङ्गे पुल तरेर उक्त स्थानमा पुग्नुपर्ने अवस्थामा छन् । गाउँमा बिजुली पुगेपछि स्थानीयले उत्सव मनाएका छन् ।
तस्बिरहरू
.jfif)
.jfif)
.jfif)
.jfif)
