ऊर्जा खबर
काठमाडौँ । हिमस्टार ऊर्जा कम्पनी लिमिटेडले मंगलबार (असार २४ गते) बाट सर्वसाधारणका लागि आइपिओ निष्कासन तथा बिक्री खुला गरेको छ । कम्पनीले यसअघि आयोजना प्रभावित स्थानिय र वैदेशिक रोजगारीमा रहेका नेपालीहरुका लागि भने आइपिओ जारी गरेको थियो ।
कम्पनीले प्रतिकित्ता १०० रुपैयाँ अंकित दरका ७ करोड ७३ लाख ९७ हजार ५ सय रुपैयाँ बराबरका ७ लाख ७३ हजार ९७५ कित्ता सेयर निष्काशन गरेको छ । कम्पनीको आइपिओ निष्काशन तथा बिक्री प्रबन्धककाे रूपमा एनआइसी एशिया क्यापिटल लिमिटेड रहेको छ ।
सर्वसाधारणले असार २७ गतेसम्म कम्पनीको आइपिओमा आवेदन दिन सक्नेछन् । साथै उक्त अवधिसम्म पर्याप्त आवेदन नपरेमा साउन ६ गतेसम्म म्याद थपिने छ । आवेदकले न्यूनतम १० कित्ता देखि १० हजार कित्तासम्म आवेदन दिन सक्नेछन् । कम्पनीले सोलुखुम्बुमा ५ मेगावाटको बुकु कपटि जलविद्युत् आयोजना निर्माण सम्पन्न गरेको छ ।
.jpg)
