ऊर्जा खबर
काठमाडौँ । नर्थ समिट हाइड्रो लिमिटेडले कम्पनीको प्राथमिक सेयर निष्काशन (आइपिओ जारी) गर्न माछापुच्छ्रे क्यापिटल लिमिटेडसँग सम्दझाैता गरेको छ । कम्पनीले संस्थागत परामर्श सेवाका साथै निष्काशन तथा बिक्री प्रबन्धकको रूपमा माछापुच्छ्रेलाई नियुक्ति गर्ने सम्झाैता गरेकाे हाे ।
सम्झौता पत्रमा माछापुच्छ्रे क्यापिटलका प्रमुख कार्यकारी अधिकृत उपेन्द्र मालाकार र निष्काशन कर्ता कम्पनी नर्थ समिट हाइड्रोका प्रबन्ध सञ्चालक बालेन्द्र क्षेत्रीले गत शुक्रबार हस्ताक्षर गरेका हुन् ।
कम्पनीले जारी पुँजीको ३० प्रतिशत अर्थात कुल ३८ लाख ४० हजार कित्ताको प्रति शेयर अंकित मूल्य १०० रुपैयाँका दरले ३८ करोड ४० लाख रुपैयाँ बराबरको साधारण सेयर सर्वसाधारणमा जारी गर्न लागेको हो ।
नर्थ समिट हाइड्रो लिमिटेडले लमजुङ जिल्लाको मर्स्याङ्दी गाउँपालिका भएर बग्ने न्यादी र फिदी खोलाको पानीको बहाव सदुपयोग गरी २१.४ मेगावाटको न्यादी फिदी जलविद्युत् आयोजना निर्माण गरिरहेकाे ५ ।
माछापुच्छ्रे क्यापिटल माछापुच्छ्रे बैंक लिमिटेडको सहायक कम्पनी हो ।
