ऊर्जा खबर
काठमाडौं । हिमालयन हाइड्रो पावर लिमिटेडकाे सेयर आवेदन खुल्ला भएकाे छ । कम्पनीले कास्कीको मादी खोलामा रहेकाे १२ मेगावाटको नामार्जुन मादी जलविद्युत केन्द्रकाे आयोजना प्रभावित स्थानीयका लागि छुट्ट्याइएको ९ लाख कित्ता सेयर आवेदन खुल्ला गरेकाे छ ।
१ सय रुपैयाँ अंकित ९ कराेड रुपैयाँ बराबरको ९ लाख कित्ता सेयर निष्कासन गरिएको कम्पनीले जनाएको छ । कम्पनीका अनुसार आयोजना प्रभावित क्षेत्र मादी गाउँपालिका वडा नम्बर १, २ , ३, ४ , ६ र ७ का सम्पूर्ण स्थानीयका लागि छुट्ट्याइएको सेयर निष्कासन गरिएकाे छ ।
कम्पनीको सेयर खरिदका लागि स्थानीयले छिटोमा जेठ ८ गतेसम्म र ढिलोमा जेठ २३ गतेसम्म आवेदन दिन सक्नेछन् । स्थानीयले न्यूनतम १० कित्तादेखि अधिकतम एक लाख कित्तासम्म आवेदन दिन सक्नेछन् । कम्पनीको सेयर निष्कासन तथा बाँडफाँड गर्न ग्लोबल आइएमई क्यापिटललाई ब्रिकी प्रबन्धक तोकिएको छ ।
पहिलो चरणमा आयोजना प्रभावित स्थानीयका लागि छुट्ट्याएको सेयर बाँडफाँड गरेपछि दोस्रो चरणमा सर्वसाधारणका लागि सेयर निष्कासन गरिनेछ ।
