ऊर्जा खबर
काठमाडौं । इलाममा ६.२ मेगावाटको तल्लो जोगमाई जलविद्युत आयोजना निर्माण गरी सञ्चालनामा ल्याएको एशियन हाइड्रो पावर लिमिटेडले मंसिर २७ गतेदेखि साधारण सेयर निष्कासन गर्ने भएको छ । कम्पनीले आयोजना प्रभावित स्थानीय र वैदेशिक रोजगारीमा रहेको नेपाली नागरिकका लागि सेयर निष्कासन गर्न लागेको हो ।
जारी पुँजी ३४ करोडको १० प्रतिशत हुन आउने अर्थात ३ करोड ४० लाख रकम बराबरको सय रुपैयाँ अंकित ३ लाख ४० हजार कित्ता साधारण सेयर निष्कासन गर्न लागेको कम्पनीले जनाएको छ । कम्पनीका अनुसार ४० प्रतिशतले हुन आउने अर्थात १ लाख ३६ हजार कित्ता सेयर आयोजना प्रभावित क्षेत्र इलाम गाउँपालिका वडा नम्बर १० (साविकको गोदाक गाविसको १ देखि ९ सम्मका सम्पूर्ण वडाहरु), माई जोगमाई गाउँपालिका वडा नम्बर ३ र ४ (साविकको नाम्सालिङ्ग गाविसको १ देखि ९ सम्मको सम्पूर्ण वडाहरु तथा नयाँबजार गाविसको वडा नम्बर ५), सुर्योदय नगरपालिका वडा नम्बर ११ (साविकको माघेसुन्तले र तिनघरे गाविसका सम्पुर्ण वडाहरु तथा सुर्योदय गाविसको वडा नम्बर ३, ४ र ५ का स्थानीयका निष्कासन गरिनेछ । साथै, ६० प्रतिशतले हुन आउने अर्थात २ लाख ४ हजार कित्ता सेयर आयोजनको अति प्रभावित क्षेत्र बाहेकको इलाम जिल्लाका अन्य क्षेत्रका बासिन्दाहरुका लागि निष्कासन गर्ने जानाकारी दिएको छ ।
सार्वसधरणमा निष्कासन हुने कम्पनीको जारी पुँजीको २४.७१ प्रतिशत हुन आउने अर्थात ८ करोड ४० लाख रुपैयाँ बराबरकाे सय रुपैयाँ अंकित ८ लाख ४० हजा कित्ता साधारण सेयर मध्ये १० प्रतिशतले हुन आउने अर्थात ८४ हजार कित्ता सेयर वैदेशिक रोजगारीमा रहेको नेपाली नागरिकको लागि निष्कासन गर्न लागेकाे हाे ।
स्थानीय तथा वैदेशिक रोजगारीमा रहेका नेपाली नागरिकले न्यूनत्तम १० कित्ता देखि अधित्तम २० हजार कित्तासम्म आवेदन दिन पाउँनेछन् । आवेदन दिदा स्थानीयले छिटोमा पुस १२ गतेसम्म र ढिलोमा पुस २७ गतेसम्म आवेदन दिन सकिन्छ भने वैदेशिक रोजगारमिा रहेको नेपालीले पुस १२ गेसम्म मात्र आवेद दिन पाउनेछ ।
कम्पनीको सेयर निष्कासन गरी बाँडफाँड गर्न एनएमबि क्यापिटल लिमिटेडलाई बिक्री प्रबन्धक तोकिएको छ ।
