ऊर्जा खबर
काठमाडौं । अपि पावर कम्पनीको १ करोड ८६ लाख कित्ता हकप्रद सेयर आवेदन खुल्ला भएको छ । कम्पनीले आफ्नो सेयरधनी सदस्य र संस्थापक सदस्यका लागि सेयर निष्कासन गरेको हो ।
सय रुपैयाँमा अंकित १ अर्ब ८६ करोड रुपैयाँ बराबरको हकप्रद सेयर निष्कासन गरिएको कम्पनीले जनाएको छ । कम्पनीका अनुसार चुक्ता पुँजीको १ः०.३९३६ अनुपातमा हकप्रद सेयर निष्कासन गरिएको छ ।
आवेदकले बैशाख १५ गतेसम्म आवेदन दिन सक्नेछन् । कम्पनीको सेयर निष्कासन गरी बाँडफाँड गर्न मुक्तिनाथ क्यापिटल लिमिटेडलाई बिक्री प्रवन्धक तोकिएको छ ।
कम्पनीले निर्माण गरेको साढे १६ मेगावाटको नौगाड र माथिल्लो नौगाड जलविद्युत आयोजना सञ्चालनमा छन् । ४० मेगावाटको माथिल्लो चमेलिया जलविद्युत आयाजना निर्माणाधीन छ ।
४ मेगावाटको चन्द्रनिहापुर र १ मेगावाटको सौर्य विद्युत आयोजना निर्माण सम्पन्न भई प्रणालीमा जोडिएको छ । १ मेगावाटको सौर्य आयाजनाको काम अन्तिम चरणमा पुगेको छ । कम्पनीले ८ मेगावाटको अर्को सौर्य विद्युत आयोजनामो बैंक अफ काठमाडौंसँग वित्तीय व्यवस्थापन सम्झौता सम्पन्न गरी निर्माणको चरणमा छ ।
