रुपनी-बोदेवरसाइन लाइन साढे २ वर्षमा सम्पन्न गर्ने लक्ष्य, २०० मेगावाट विद्युत प्रवाह हुने

काठमाडौं । नेपाल विद्युत प्राधिकरणले १३२ केभी रुपनी–बोदेवरसाइन प्रसारण लाइन आयोजना निर्माण गर्ने भएको छ । प्राधिकरणले मधेश प्रदेश अन्तर्गत सप्तरी जिल्लाको रुपनी गाउँपालिकामा अवस्थित रुपनी सबस्टेसनदेखि सोही जिल्लाको बोदेवरसाइन नगरापालिकामा प्रस्तावित वोदेवरसाइन सबस्टेसनसम्मको लाइन निर्माण गर्न लागेको हो ।

अध्ययन पूरा भएको डबल सर्किट आयोजनाको निर्माण अनुमतिका लागि विभागमा आवेदन दिएको प्राधिकरणले जनाएको छ । प्राधिकरणका यो लाइन पूरा भएपछि २०० मेगावाट विद्युत प्रवाह हुनेछ ।

यो आयोजना अन्तर्गत रुपनी सबस्टेसनमा दुई वटा १३२ केभी लाइन–वे विस्तार तथा वोदेवरसाइन नगरपालिकाको मधुवन गाउँ नजिकमा १३२/३३ केभी, ३०/४०/५० एमभीए क्षमताको वोदेवरसाइन सबस्टेसन निर्माण हुनेछ ।

आयोजना निर्माणका लागि ३७.४२४ हेक्टर जमिन आवश्यक पर्नेछ । जसमध्ये सबस्टेसन निर्माणका लागि ३.४१५ हेक्टर टावर निर्माणका लागि १.५९८ हेक्टर जमिन आवश्यक पर्नेछ । विद्युत मार्गको अधिकार क्षेत्रका लागि ३१.९११ हेक्टर तथा भण्डारण तथा क्याम्पका लागि ०.५ हेक्टर जमिन प्रयोग गरिनेछ । लाइनको काम २०८२ असार भित्र सम्पन्न गर्ने प्राधिकरणको लक्ष्य छ ।

आयोजनाको विवरण

आयोजना : रुपनी–बोदेवरसाइन
प्रवर्द्धक : नेपाल विद्युत प्राधिकरण
क्षमता : १३२ केभी डबल सर्किट
विद्युत प्रवाह क्षमता : २०० मेगावाट
दुरी : १८.६०५ किलोमिटर
टावर : ७१ वटा
आवश्यक जग्गा : ३७.४२४ हेक्टन
सम्पन्न गर्ने मिति : २०८२ असारभित्र पूरा गर्ने लक्ष्य