ऊर्जा खबर
काठमाडाैं । माया खोला हाइड्रो पावर कम्पनी लिमिटेडले वैदेशिक रोजगारीमा रहेका नेपालीहरूका लागि निष्कासन गरेको सयर बाँडफाँड सम्पन्न गरेकाे छ । प्रभु क्यापिटल लिमिटेडको निष्कासन तथा बिक्री प्रबन्धकत्वमा कम्पनीले सय रुपैयाँ अकिंंत दरको २ लाख ४० हजार कित्ता सेयर बाँडफाँड गरेको हो ।
कम्पनीकाे सेयर किन्नका लागि ८२५७ जना आवेदकहरूले ७ लाख २६ हजार ८ सय ४० कित्ता सेयरला लागि आवेदन प्राप्त भएको कम्पनीले जनाएकाे छ । कम्पनीकाे सेयर शुक्रबार बाँडफाँड भएकाे थियाे । १० कित्ता देखि ३० कित्ता आवेदकहरूलाई माग बमोजिम तथा ४० कित्ता देखि ६३०० सम्म आवेदन दिने आवेदकहरूलाई ३० कित्ताको दरले गरी जम्मा ८,२५७ जना आवेदकहरूलाई २,१५,६७० कित्ता सयर बाँडफाँड गरीएको छ । बाँकी रहेको सेयरको लागि ४० कित्ता देखि ६३०० कित्ता सेयरका लागि आवेदन दिनेलाइ २४,३३० कित्ता गरी जम्मा २,४०,००० कित्ता सेयर बाँडफाँड सम्पन्न गरिएको छ ।
कम्पनीले नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा बसी रोजगार गरिरहेका नेपालीहरूको लागि छुटयाइएको सेयर मंसिर २३ गते देखि पुस ८ गते सम्म आवेदन खुल्ला गरेको थियो ।
