ऊर्जा खबर
काठमाडौं । प्रभावित स्यानीयले अप्पर स्याङ्गे हाइड्रो पावर लिमिटेडको सेयर आवेदन दिने आज अन्तिम दिन । कम्पनीले जेठ १ गते निष्कासन गरेको सेयर गरेको अवधि आज साझ ५ बजेबाट सकिन लागेको हो ।
जारी पूँजी २२ करोड मध्येको १० प्रतिशत अर्थात २ करोड २० लाख रुपैयाँ रकम बराबरको सय रुपैयाँ अंकित २ लाख २० हजार कित्ता सेयर निष्कासन गरेकोे कम्पनीले जनाएको छ । कम्पनीले आयोजना प्रभावित क्षेत्र लमजुङ जिल्लाको मर्स्याङदी गाउँपालिका (साविक घनपोखरा गाविस वडा नम्बर १ र २ खुदी गाविस वडा नम्बर ३, ताघ्रिङ गाविस वडा नम्बर ४, घरेमु गाविस वडा नम्बर ५, बाहुन डाँडाँ गाविस वडा नम्बर ६, भुलभुले गाविस वडा नम्बर ७ र ८ र सिमपानी गाविस वडा नम्बर ९ का बासिन्दाहरूका लागि निष्कासन गरेका थिए ।
स्थानीयले न्यूनतम १० कित्तादेखि अधिकतम १ लाख कित्ता सम्म आवेदन दिन सकिनेछ । कम्पनीको सेयर निष्कासन गरी बाँडफाँड गर्न सिद्धार्थ क्यापिटल लिमिटेडलाई बिक्री प्रबन्धक तोकिएको छ । कम्पनीको लमजुङमा २.४ मेगावाटको माथिल्लो स्याङ्गे खोला साना जलविद्युत आयोजना निर्माणधीन छ ।
