ऊर्जा खबर
काठमाडौं । काभ्रेपलाञ्चोकमा निर्माणाधीन ६ मेगावाटको माथिल्लो चौरी खोला जलविद्युत आयोजनाको काम अन्तिम चरणमा पुगेको छ । कर्णाली जलस्रोत लिमिटेडले निर्माण गरिरहेको आयोजनाको काम अन्तिम चरणमा पुगेको हो ।
सहायक कम्पनी हिमालयन वाटर रिसर्ज एण्ड इनर्जी डेभलपमेन्टको लगानीमा निर्माण भइरहेको आयोजनाको काम तिव्र गतिमा अघि बढेको कम्पनीका अध्यक्ष लोकबहादुर थापाले बताए । कम्पनीको ८औं साधारणसभामा वार्षिक प्रतिवेदन प्रस्तुत गर्दै तिव्र गतिमा अघि बढेको आयोजनाको काम २०८० साउनभित्र सम्पन्न गरिने बताए ।
आयोजनामा राष्ट्रिय बाणिज्य बैंकको अगुवाईमा कृषि विकास बैंकको पनि लगानी छ । आयोजनाको अहिले इलेक्ट्रो तथा इलेक्ट्रो मेकानिकल सप्लायर छनोट भई एलसी खोल्ने काम अन्तिम चरणमा पुगेको छ ।
यस्तै, आयोजनाको विद्युत प्रवाह हुने प्रसारण लाइनको अध्ययन प्रतिवेदन तयारी गरी निर्माण अनुमति लिने प्रक्रियामा रहेको राउतले बताए ।
आयोजना सम्पन्न गर्न १ अर्ब १२ करोड रुपैयाँ लागत अनुमान गरिएको छ । जसमा ३५ प्रतिशत स्वपूँजी र ६५ प्रतिशत ऋण लगानी छ ।
यही कम्पनीले म्याग्दीको रघुगंगा गाउँपालिकामा ४.७५ मेगावाटको स्यानो खोला जलविद्युत आयोजना अघि बढाएको राउतले जनाएको छ । यो आयोजनाको नेपाल विद्युत प्राधिकरणसँग विद्युत खरिद सम्झौता (पीपीए) र विद्युत विकास विभागसँग उत्पादन अनुमति पत्र लिनका लागि अन्तिम चरणको काम भइरहेको छ ।
