ऊर्जा खबर
काठमाडौं । नेपाल धितोपत्र बोर्ड (सेबोन)ले दुई जलविद्युत कम्पनीलाई सेयर निष्कासन अनुमति दिएको छ । बोर्डले माथिल्लो मैलुङ खोला जलविद्युत लिमिटेड र चिरख्वा हाइड्रो पावर लिमिटेडलाई सेयर निष्कासन अनुमति दिएकाे हाे ।
माथिल्लो मैलुङखोल जलविद्युत लिमिटेडले जारी पूँजी २५ करोड रकम बराबरको सय रुपैयाँ अंकित २५ लाख कित्ता सेयर निष्कासन गर्ने अनुमति पाएको छ । कम्पनीले अब छिटै पहिलो चरणको सेयर निष्कासन तथा बाँडफाँड गरेपछि दोस्रो चरणमा सर्वसाधरणका लागि निष्कासन गरिनेछ ।
कम्पनीको सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकिएको छ । कम्पनीको रसुवामा १४.३ मेगावाटको माथिल्लो मैलुङ खोला जलविद्युत आयोजना निर्माणाधीन छन् ।
यसैगरी, चिरख्वा हाइड्रो पावर लिमिटेडले पनि सेयर निष्कासन अनुमति पाएको छ । कम्पनीले जारी पूँजी १२ करोड रकम बराबरको सयर रुपैयाँ अंकित १२ लाख कित्ता साधारण सेयर निष्कासन गर्ने अनुमति पाएको छ ।
कम्पनीले छिटै सेयर निष्कासन गरी बाँडफाँड गर्ने निर्णय गरेको छ । कम्पनीको सेयर निष्कासन गरी बाँडफाँड गर्न आरबीबी मर्चेन्ट बैकिङग् लिमिटेडलाइ बिक्री प्रबन्धक तोकिएको छ । कम्पनीको भोजपुरको चिरख्वा खोलामा ४.७ मेगावाटको माथिल्लो चिरख्वा र ४.०७ मेगावाटको तल्लो चिरख्वा खोला जलविद्युत आयोजना निर्माणाधीन छन् ।
