ऊर्जा खबर
काठमाडौं । सुपरमाई हाइड्रो पावर लिमिटेडले आयोजना प्रभावित स्थानीय र श्रम स्वीकृती लिएर वैदेशिक रोजगारीमा गएका नेपालीहरूका लागि प्राथमिक सेयर निष्कासन गरेको छ । कम्पनीले आज (मंसिर २१ गते) देखि सेयर निष्कासन गरेको हो ।
कम्पनीको जारी पुँजीकाे २० प्रतिशत सेयर निष्कासन गर्ने भएको हो । जसमध्य १० प्रतिशतले हुन आउने ५ करोड रुपैयाँ बराबरको ५ लाख कित्ता सेयरमध्ये इलाम जिल्लाका स्थानियका लागि छुट्याइएको छ ।
उक्त सेयरमध्ये आयोजना अति प्रभावित क्षेत्रका स्थानियका लागि ४० प्रतिशतले हुन आउने २ लाख कित्ता, अति प्रभावित क्षेत्रमा इलाम नगरपालिका ५, २, माइ जोगमाई गाउँपालिका ५ का स्थानीयका लागि छुट्याएको कम्पनीले जनाएको छ ।
आयोजना अति प्रभावित क्षेत्र बाहेक इलाम जिल्लाका अन्य क्षेत्रमा वसोबास गर्ने वासिन्दाहरूका लागि कम्पनीले ६० प्रतिशतले हुन आउने ३ लाख कित्ता सेयर छुट्याएको छ ।
कम्पनीले सर्वसाधारणका लागि छुट्याएको ५ लाख कित्ता सेयर १० प्रतिशतले हुन आउने ५० हजार कित्ता नेपाल सरकारको सम्बन्धित निकायबाट श्रम स्वीकृती लिइ विदेशमा रोजगारी गरिरहेका नेपालीहरूका लागि छुट्याइएको छ ।
इच्छुक स्थानीयले पुस ६ गतेसम्म र ढिलोमा भने पुस २१ गतेसम्म आवेदन दिन सक्नेछन् । वैदेशिक रोजगारीमा गएकाले भने पुस ६ गतेसम्म मात्र आवेदन दिन सक्ने कम्पनीले जानएको छ ।
कम्पनीले सेयर निष्कासन तथा बिक्री प्रबन्धक सानिमा क्यापिटललाई तोकेको छ । कम्पनीको इलाममा ७.८ मेगावाटको सुपर माई जलविद्युत केन्द्र सञ्चालनमा छ ।
