ऊर्जा खबर
काठमाडौं । दोल्ती पावर कम्पनी लिमिटेडले चैत २८ गतेदेखि साधारण सेयर निष्कासन गर्ने भएको छ । कम्पनीले सर्वसाधारणका लागि छुट्याइएको १२ लाख कित्ता सेयर निष्कासन गर्न लागेको हो ।
जारी पूँजी ५३ करोड ६४ लाख ८६ हजारको १० प्रतिशत अर्थात १६ लाख ९ हजार ४ सय ५८ कित्ता सेयर निष्कासन गर्न लागेको कम्पनीले जनाएको छ । जसमध्ये जारी पूँजीको १० प्रतिशत अर्थात ५ करोड ३६ लाख ४८ हजार ६ सय रकम बरारबको सय रुपैयाँ अंकित ५ लाख ३६ हजार ४ सय ८६ कित्ता सेयर प्रभावित स्थानीयका लागि बाँडफाँठ गरिएको, जारी पूँजीको २० प्रतिशत अर्थात सय रुपैयाँ अंकित १० लाख ७२ हजार ९ सय ७२ कित्ता साधारण सेयरको १० प्रतिशत हुन आउने अर्थात सय रुपैयाँ अंकित १ लाख ७ हजार २ सय ९८ कित्ता सेयर वैदेशिक रोजगारीमा गएका नेपाली नागरिकका लागि निष्कासन गरिएको तथा कम्पनीको कर्मचारीका लागि सुरक्षित गरिएको सेयर समेत बाँडफाँड गरी सर्वसाधारणमा निष्कासन हुने ५ प्रतिशत अर्थात ६८ हजार १७ कित्ता सेयर सामूहिक लागनी कोषका लागि सुरक्षित गरी बाँकी रहेको १२ लाख ७१ हजार ८ सय ६१ कित्ता सेयर सर्वसाधारणका लागि निष्कासन गर्न लागेको हो ।
सर्वसाधारणले न्यूनतम १० कित्तादेखि अधिकतक १० हजार कित्ता सम्म आवेदन दिन पाउनेछन् । आवेदकले छिटोमा बैशाख ३ गतेसम्म र ढिलोमा १२ गतेसम्म आवेदन दिन पाउनेछन् ।
कम्पनीको सेयर निष्कासन गरी बाँडफाँड गर्न एन आई सी एशिया क्यापिटल लिमिटेडलाई बिक्री प्रबन्धक तोकिएको छ । कम्पनीको दैलेखमा ४.८ मेगावाटको पदम खोला स्मल जलविद्युत आयोजना सञ्चालनमा छन् ।
