ऊर्जा खबर
काठमाडौं । अप्पर लोहरे हाइड्रो पावर कम्पनी लिमिटेडले २४ लाख कित्ता साधरण सेयर निष्कासन गर्न नेपाल धितोपत्र बोर्ड (सेबोन) बाट अनुमति पाएको छ । बोर्डले प्रभावित स्थानीय र सर्वसाधारणका लागि छुट्याएको सेयर निष्कान गर्न बिहीबार (२३ गते) अनुमति दिएको हो ।
सय रुयैयाँ अंकित २४ करोड ९८ लाख ४० हजार रकम बराबरको २४ लाख ९८ हजार ४० कित्ता सेयर निष्कासन गर्न अनुमति पाएको कम्पनीले जनाएको छ । कम्पनीका अनुसार पहिलो चरणमा प्रभावित स्थानीयका लागि सेयर निष्कासन तथा बाँडफाँड गरी दोस्रो चरणमा सर्वसाधारणका लागि निष्कासन गरिनेछ ।
कम्पनीले सेयर निष्कासन गरी बाँडफाँड गर्न एनआइसी एसिया क्यापिटल लिमिटेडलाई बिक्री प्रबन्धक तोकेको छ । कम्पनीको दैलेख जिल्लामा ४ मेगावाटको माथिल्लो लोहरे खोला जलविद्युत आयोजना निर्माणाधीन छन् ।
.jpg)
