गढीमाई पूर्वका उद्योगमा विद्युत आपूर्ति अवरुद्ध

काठमाडौं । नेपाल विद्युत प्राधिकरणले गढीमाई पूर्वका उद्योगको विद्युत लाइन काटेको छ । प्राधिकरण सिमरा वितरण केन्द्रको ११ केभी फिडरको आपूर्ति बन्द हुँदा उद्योगको सेवा प्रभावित भएको हो ।

सिमरा औद्योगिक फिडरको विद्युतीय पोल स्थानान्तरण गर्न बिहान ८ बजेदेखि विद्युत आपूर्ति बन्द गरेको वितरण केन्द्रले जनाएको छ । आपूर्ति बन्द गरेर विस्तारित सडकको पोल स्थानान्तरण गर्ने कार्य भइरहेको छ ।

आपूर्ति बन्द हुँदा गढीमाई पूर्वका नारायणी फुड्स, राजेश मेटल, शिव शक्ति घिउ उद्योग क्षेत्रको विद्युत सेवा प्रभावित भएको छ । अवरुद्ध सेवा दिउँसो २ बजेबाट सुचारु हुने वितरण केन्द्रले जनाएको छ ।

फेवा फिडरको सेवा पनि अवरुद्ध
प्राधिकरण पोखरा वितरण केन्द्रको फेवा फिडरको सेवा पनि अवरुद्ध भएको छ । पाल्पाली बस्ती, स्वास्थ्य चौकी सांग्रिला कुलो, आँखा अस्पताल, घारीपाटन क्षेत्रको सडकमा पोल स्थानान्तरण गर्न बिहान १० बजेटबा सेवा अवरुद्ध गरिएको हो ।

अवरुद्ध सेवा साँझ ६ बजेबाट सुचारु हुने वितरण केन्द्रले जनाएको छ । विद्युत आप्रर्ति बन्द हुँदा आधा दर्जन बढी स्थानको सेवा प्रभावित भएको छ ।