विद्युत आपूर्त : प्राधिकरण :४९५२ मे.वा.घन्टा / निजी क्षेत्र :४५७५ मे.वा.घन्टा / आयात : १४८१९ मे.वा.घन्टा / ट्रिपिङ : मे.वा.घन्टा / ऊर्जा माग :२४३४६ मे.वा.घन्टा/ उच्च माग :१२८७ मेगावाट
×

पेट्रोल, डिजेल र मट्टितेलकाे मूल्य लिटरमा २ रुपैयाँ बढ्यो

२०७७ माघ ६

काठमाडौं । नेपाल आयल निगमले पेट्रोल, डिजेल र मट्टितेलको मूल्य प्रतिलिटर दुई–दुई रुपैयाँ बढाएको छ । निगमले सोमबार राति १२ बजेदेखि लागु हुने गरी पेट्राेल, डिजेल र मट्टीतेलकाे मूल्य समायोजन गरेको हो । 

निगमको डिपो क्षेत्रको १५ किलोमिटर परिसर भित्रका लागि पेट्रोल तथा डिजेल र मट्टितेलको नयाँ खुद्रा बिक्री मूल्य प्रतिलिटर क्रमशः ११० र ९३ रुपैयाँ कायम  भएको निगमले जनाएको छ । निगमका अनुसार हवाई इन्धन तथा एलपी ग्यासको मूल्य हाललाई यथावत नै राखिएको छ ।

मूल्य समायोजन पश्चात पनि पेट्रोलमा प्रतिलिटर ५.३४, डिजेलमा प्रतिलिटर २.९६ घाटा रहेको छ ।अहिले एलपी ग्यासमा प्रतिसिलिन्डर १३४.७२ रुपैयाँ घाटा छ । 

अर्धवार्षिक रुपमा निगमलाई ४९ करोड ८८ लाख रुपैयाँ घाटा हुने र सो घाटा रकम मूल्य स्थिरीकरण कोष तथा निगमको सञ्चित नाफाबाटा व्यवस्थापन गरी पेट्रोलियम पदार्थको आपूर्ति व्यवस्था सहज गरिने निगमले जनाएको छ । 

हालको मूल्य समायोजन पश्चात भारतीय सीमा रक्सौलसँग जोडिएको वीरगञ्ज क्षेत्रमा पेट्रोल प्रतिलिटर ३२.२६ र डिजेल प्रतिलिटर ३७.६४ रुपैयाँले नेपालतर्फ सस्तो रहेको पनि निगमले सार्वजनिक गरेको विज्ञप्तीमा उल्लेख छ ।

प्रतिक्रिया