ऊर्जा खबर
काठमाडौँ । माछापुच्छ्रे क्यापिटल लिमिटेड र अप्पर स्याङ्गे हाइड्रोपावर लिमिटेडबीच सेयर रजिष्ट्रारसम्बन्धी सेवा प्रदान गर्ने सम्झौता भएको छ । धितोपत्र कारोबार सम्बन्धी अभिलेख राख्ने, दाखिला खारेज, नामसारी, रोक्का राख्ने, सेयरवालाको लगत अद्यावधिक गर्ने जस्ता सम्पूर्ण सेयर रजिष्ट्रारसम्बन्धी सेवा प्रदान गर्न आज सम्झौतापत्रमा हस्ताक्षर गरिएको हो ।
एक समारोहकाबीच माछापुच्छ्रे क्यापिटलका प्रमुख कार्यकारी अधिकृत उपेन्द्र मालाकार र अप्पर स्याङ्गेका प्रबन्ध निर्देशक वीरबहादुर घलेले सम्झौतापत्रमा हस्ताक्षर गरे । सम्झौतासँगै अप्पर स्याङ्गेको सेयर रजिष्ट्रारसम्बन्धी सम्पूर्ण कार्य माछापुच्छ्रे क्यापिटलमा हुने जनाइएको छ । माछापुच्छ्रे क्यापिटल माछापुच्छ्रे बैंक लिमिटेडको सहायक कम्पनी हो ।
