ऊर्जा खबर
काठमाडौँ । बुद्धभूमि नेपाल हाइड्रोपावर कम्पनी लिमिटेड नाफामा रहेको छ । कम्पनीले वित्तीय विवरण अनुसार तेस्रो त्रैमाससम्ममा १० लाख २० हजार रूपैयाँ नाफा कमाएको छ ।
कम्पनीले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको हो । अघिल्लाे आवमा मा भने कम्पनीलाई ३४ लाख १६ हजार रूपैयाँ नोक्सान भएको थियो ।
कम्पनीको विद्युत् बिक्री आम्दानीमा वृद्धि भएसँगै नाफा बढेकाे हो । गत वर्ष कम्पनीले विद्युत् बिक्रीबाट १२ करोड ५५ लाख आम्दानी गरेको यस वर्ष त्यसमा २४ लाख बढेको छ । चुक्ता पूँजी ४० करोड रहेको कम्पनीको रिटेन्ड अर्निङ भने ४ करोड ८२ लाख ऋणात्मक रहेको छ ।
कम्पनीको प्रतिसेयर नेटवर्थ ९१.२७ रहको छ भने नाफा भएसँगै प्रतिसेयर आम्दानी ३४ पैसा पुगेको छ ।
