ऊर्जा खबर
काठमाडौं । कोरोना महामारी (कोभिड–१९) बाट सुरक्षित रहन सरकारले गरेको लकडाउनबाट ऊर्जा, जलविद्युत् तथा अन्य पूर्वाधारसँग सम्बन्धित आयोजना निर्माणमा गम्भीर असर परेको छ । आयोजनाका लागि चाहिने उपकरण र निर्माण सामग्री ढुवानीमा समस्या देखिएको छ । यो समस्या समाधान गर्न ऊर्जा, जलस्रोत तथा सिँचाइ मन्त्रालयले सहजीकरणका लागि विद्युत् विकास विभागलाई निर्देशन दिएको छ ।
बुधबार (बैशाख २२ गते) को सचिवस्तरीय निर्णयमा आयोजनाको निर्माण, उत्पादन, वितरण तथा प्रसारण कार्यको आवागमनका लागि आवश्यक सहजीकरण गरिदिन भनिएको छ । कोभिड–१९ संकट व्यवस्थापन सञ्चालन केन्द्रले बैशाख २१ गते यससम्बन्धी व्यवस्था मिलाउन परिपत्र गरेको थियो ।
सम्बिन्धत आयोजनाले सवारी चालक र सहयोगीको उद्गम र गन्तव्य प्रस्ट उल्लेख गरी उपलब्ध गराएको परिचयपत्रको आधारमा आवश्यक निर्माण सामग्री ढुवानी गर्ने सवारी सञ्चालनको व्यवस्था मिलाउन मन्त्रिपरिषद् र समितिले बैशाख १९ गते निर्ण गरेका थिए ।
.jpg)
