ऊर्जा खबर
काठमाडौं । नेपाल विद्युत प्राधिकरणले ६६ केभी पाटन–स्युचाटार प्रसारण लाइन (सर्किट–१) बन्द (सटडाउन) गरेको छ । प्राधिकरण पाटन–स्युचाटार खण्डको पुुरानो तथा जिर्ण कण्डक्टर बदली कार्य गर्नका लागि लाइन बन्द गरेको हो ।
मंगलबार (आज) बिहान ७ बजेदेखि लाइन बन्द गरी पुरानो र जिर्ण कन्डक्टर बदलीको काम सुरु गरेको प्राधिकरणले जनाएको छ । प्राधिकरणका अनुसार प्रसारण लाइनको मर्मत तथा स्तरोन्नति गर्न असोज २८ गतेसम्म लाग्नेछ । प्रसारण लाइनको मर्मत तथा स्तरोन्नति गर्ने अवधिभर दैनिक १२ घन्टा प्रसारण लाइन बन्द हुनेछ ।
प्रसारण लाइन अवरुद्ध हुँदा ६६ केभी पाटन, टेकु र स्युचाटार सबस्टेसनबाट वितरण हुने विद्युत सेवा प्रभावित हुने भएको छ । यो अवधिमा दुवै सबस्टेसनका ११ केभी फिडरको विद्युत सेवा अवरुद्ध हुने प्राधिकरणले जनाएको छ ।
वर्षाका कारण प्रसारण लाइनको मर्मत तथा स्तरोन्न्ति कार्य प्रभावित भएमा यो अवधि लम्बिने पनि प्राधिकरणले जानकारी दिएको छ । आगामी असोज २८ गतेसम्म बिहान ७ बजेदेखि अवरुद्ध भएको प्रसारण लाइन दैनिक ७ बजे सूचारु हुनेछ ।
.jpg)