गोरखामा निर्माणाधीन ९.४ मेगावाटको मध्य सुपर दरौँदीले ३३ केभी प्रसारण लाइन निर्माण गर्ने

काठमाडौँ । गोरखाको अजिरकोट गाउँपालिका–१ मा निर्माणधीन ९.४ मेगावाटको मध्य सुपर दरौँदी जलविद्युत् आयोजनाले १८.९१ किलोमिटर लामो ३३ केभी प्रसराण लइन निर्माण गर्ने भएको छ । आयोजनाको विद्युत् प्रवाह गर्न अजिरकोट गाउँपालिका–१ मा रहेको विद्युत्‌गृहको स्विचयार्डदेखि भिमसेन थापा गाउँपालिका–१ मा रहेको घ्याम्पेसाल सबस्टेसनसम्म प्रसारण लाइन निर्माण गरिने भएको हो । यसका लागि आयोजनाको प्रवर्द्धक कम्पनी बारपाक दरौँदी हाइड्रोपावर प्रालिले अनुमति माग्दै विद्युत् विकास विभागमा दरखास्त पेस गरेको छ ।

सिङ्गल सर्किट रहने उक्त लाइनबाट १० मेगावाटसम्म विद्युत् प्रसारण गर्न मिल्ने आयोजनाले जनाएको छ । प्रसारण लाइनअन्तर्गत ४ सय ३ टा स्टिल टेलिस्कोपिक टुबुलर पोलहरु जडान गरिने छ । लाइन निर्माणको काम २८ महिनाभित्र सक्ने प्रवर्द्धक कम्पनीको लक्ष्य छ ।

प्रसारण लाइन निर्माण गर्दा कुनै उल्लेखनीय वातावरणीय प्रतिकूल प्रभाव पर्ने भएमा ३५ दिनभित्र विभाग वा कम्पनीको कार्यालयमा लिखित राय सुझाप पेश गर्ने विद्युत् विकास विभागले बिहीबार सूचना प्रकासित गरी सरोकारवाला सबैमा आग्रह गरेको छ ।