ऊर्जा खबर
काठमाडौं । अपि पावर कम्पनीले लिमिटेडले आफ्ना सेयरधनी सदस्यलाई बाेनस सेयर र नगद लाभांश दिने निर्णय गरेको छ । सञ्चालक समितिको पुस २१ गते (बिहीवार) बसेको बैठकले सेयरधनी सदस्यलाई ७.५ प्रतिशको दरले बाेनस सेयर र ०.३९४७ प्रतिशतको दरले नगद लाभांश दिने निर्णय गरेको हो ।
आर्थिक वर्ष २०७८/७९ को मुनाफाबाट हाल कायम रहेको चुक्ता पुँजीको ३८४.४९ करोड रुपैयाँ बाेनस सेयर र नगद लाभांश वितरण गर्न लागेको कम्पनीले जनाएको छ । कम्पनीका अनुसार विद्युत नियमन आयोगबाट स्वीकृत प्राप्त तथा सभाबाट प्रस्ताव पारित हुने लगतै सेयरधनी सदस्यलाई बाेनस सेयर र नगद लाभांश वितरण हुनेछ ।
कम्पनीले दार्चुला जिल्लामा ८.५ मेगावाटको नौगड गाढ र ८ मेगावाटको माथिल्लो नौगड गाड जलविद्युत आयोजना निर्माण गरी सञ्चालनमा ल्याएको छ । साथै, सोही जिल्लामा ४० मेगावाटको माथिल्लो चमेलिया निर्माणाधीन रहेको छ ।
कम्पनीले रौतहटमा ४ मेगावाटको चन्द्रनिगाहपुर सौर्य विद्युत आयोजना निर्माण सम्पन्न भई प्रसारण प्रणालीमा जोडिएको छ र सिमरामा १ मेगावाटको सौर्य आयोजना सञ्चालनमा ल्याएकाे छ ।
