ऊर्जा खबर
काठमाडौं । नेपाल विद्युत् प्राधिकरणमा क्रियाशील राष्ट्रिय कर्मचारी युनियनले आफ्ना सदस्य अनिलकुमार यादवमाथि भएको आक्रमणको विषयमा छानबिन गरी दोषीलाई कारबाही गर्न माग गरेको छ ।
ढल्केबर ग्रिड शाखामा कार्यरत सुपरभाइजर तथा युनियनका प्रदेश समिति सदस्य यादवमाथि सामान्य विवादकाबीच आक्रमण भएको हुँदा छानबिन गर्न माग गरिएको हो । युनियनले उनीमाथि आक्रमण हुँदा कार्यालय प्रमुखले विवाद समाधान नगरेको हुँदा यसमा शंका उत्पन्न भएको जनाएको छ । यसर्थ, छानबिन समिति गठन गरी दोषीलाई कारबाही गर्नुपर्ने अन्यथा युनियन आन्दोलित हुने विज्ञप्तिमा उल्लेख गरिएको छ ।
