ऊर्जा खबर
काठमाडौं । अवसर इक्विटी डाइभर्सिफाइड फण्डले हिमपर्वत हाइड्रो पावर कम्पनी लिमिटेडले निर्माण गरिरहेको दुई जलविद्युत आयोजनामा लगानी गर्ने भएको छ । फण्डले ३९.०६ करोड रुपैयाँ लगानी गर्ने सम्झौता गरेको हो ।
कम्पनीले दोलखामा निर्माण गरिरहेको २० मेगावाटको सुगु खोला र ५.५ मेगावाटको सुगु खोला–१ जलविद्युत आयोजनामा लगानी गर्न फण्ड र कम्पनीबीच सोमबार (जेठ २२ गते) सम्झौता भएको छ । दुवै आयोजनाका लागि विद्युत खरिद सम्झौता (पिपिए) सम्पन्न भइसकेको छ ।
आयोजनाको सबै काम पूरा गरी २०८१ चैत २९ गते व्यवसायीय उत्पादन सुरु गर्ने कम्पनीको लक्ष्य छ । यो आयोजना पूरा भएपछि उत्पादन हुने विद्युत नेपाल विद्युत प्राधिकरणको सिंगटी सबस्टेसनमा जोडिनेछ । दुवै आयोजनाबाट वार्षिक १४९ गिगावाट घन्टा विद्युत उत्पादन हुनेछ ।
फण्ड विशिष्टिकृत लगानी कोष नियमावली, २०७५ बमोजिम नेपाल धितोपत्र बोर्डमा दर्ता भएको नेपालको पहिलो निजी इक्विटी फण्ड हो ।
.jpg)
