ऊर्जा खबर
काठमाडौँ । हरित हाइड्राेजन विकासमा अध्ययन अनुसन्धान गर्ने उद्देश्यले मुक्तिनाथ विकास बैंक लिमिटेड र काठमाडाैँ विश्वविद्यालय (केयू) बीच सम्झाैता भएकाे छ । उक्त सम्झाैतामा बैंकका प्रमुख कार्यकारी अधिकृत प्रद्युम्न पाेखरेल र केयूका ग्रिन हाइड्रोजन ल्याबका प्रमुख डा. विराजसिंह थापाले हस्ताक्षर गरेका छन् ।
केयूकाे अध्ययन अनुसन्धानका लागि बैंकले सहयाेग उपलब्ध गराउने छ । केयूकाे ल्याबले ग्रिन हाइड्रोजन फर थर्मल हिटका लागि सहयाेग लिई अनुसन्धान गर्ने छ । नेपालमा रहेको प्राकृतिक स्रोतको असिमित सम्भावनालाई अनुसन्धान गर्ने मौकासँगै भविष्यमा नेपालको दिगो विकासमा पनि मद्दत पुग्ने विश्वास लिएको बताएको छ ।
