ऊर्जा खबर
काठमाडौँ । नेपाल विद्युत् प्राधिरकणले चितवनको माडी नगरपालिकामा बढ्दो विद्युत् माग र हालको आपूर्ति गुणस्तर सुधार गर्न वैकल्पिक भूमिगत लाइन निर्माण परियोजना अघि बढाएको छ । खास गरी जगतपुर माडी ३३ केभि सब प्रसारण लाइनको चितवन राष्ट्रिय निकुञ्ज क्षेत्रमा पर्ने ७.५ किलोमिटर भूमिगत लाइन खण्डको दोस्रो सर्किटको रुपमा प्राधिकरणले ८.०५ किलोमिटर भूमिगत लाइन निर्माण अघि बढाएको हो ।
हालको सिंगल सर्किट भूमिगत लाइनको कुल विद्युत् भार क्षमता कुल २.४ मेगावाट रहेको त्यसमा पनि पटक पटक प्राविधिक समस्या आउँदा माडी क्षेत्रमा विद्युत् प्रावहको गुणस्तर निकै खस्किएको भन्दै प्राधिकरणले दोस्रो सर्किट निर्माण अघि बढाएको जनाएको छ । नयाँ निर्माण गरिने भूमिगत लाइनको विद्युत् भार क्षमता १६ मेगावाट हुने बताइएको छ । यो क्षमताकाले प्रसारण लाइनले आगामी ३० वर्षसम्मको मागलाई धान्ने अनुमान गरिएको छ । 
यो प्रसारण लाइन चितवनको भरतपुर महानगरपालिका–१८ बाटस्थित चनौली सबस्टेशनबाट सुरु भई माडी नगरपालिका–५ बसन्तपुर सबस्टेशनमा जोडिएको छ । जगतपुर–माडी ३३ केभि सब प्रसारण लइन आयोजना नाम दिइएको उक्त ३२.५ किलोमिटर लामो प्रसारण लाइन मध्ये निकुञ्ज क्षेत्रभित्र पर्ने राप्तीखोलाछेउ (कसराघाट) देखि रिउखोलासम्मको ८.०५ किमि खण्डको पूरक वातावरणीय प्रभाव मूल्यांकन (एसइआइए) प्रतिवेदन तयार पारी ऊर्जा मन्त्रालयको विुद्युत् विकास विभागमार्फत वन तथा वातावरण मन्त्रालयमा पेश गरेको छ ।
