ऊर्जा खबर
काठमाडौँ । नेपाल विद्युत् प्राधिकरण नेपालगन्ज वितरण केन्द्रले १८१ सेवाग्राहीलाई कालोसूचीमा राखेको छ । लाइन काटिएको ६ महिनासम्म पनि बाँकी बक्यौता महसुल भुक्तानी नगरेपछि उनीहरूलाई कालोसूचीमा राख्ने प्रक्रिया अगाडि बढाएको हो ।
केन्द्रले चालु आर्थिक वर्षको ८ महिनाको अवधिमा १८१ ग्राहकलाई कालोसूचीमा राखेको हो । विद्युत् उपभोग गरे पनि लामो समयसम्म महसुल नबुझाउने ग्राहकलाई कालोसूचीमा राखी बक्यौता असुल्न कारबाही अघि बढाएको केन्द्रले जनाएको छ । केन्द्रका लेखा प्रमुख बुद्धिसागर भुसारका अनुसार कालोसूचीमा रहेका ग्राहकबाट ७० लाख ४७ हजार ९६० रुपैयाँ बक्यौता रकम उठाउन बाँकी छ ।
कालोसूचीमा रहेकामध्ये ३६ ग्राहकले जरीवानासहितको बाँकी बक्यौता बुझाएपछि कालोसूचीबाट हटाइएको छ । उनीहरूले ११ लाख ६३ हजार ३९५ रुपैयाँ बक्यौता बुझाएका छन् । बाँकीले पनि जरिवानासहितकाे बक्याैता बुझाएपछि कालाेसूचीबाट हटाइ लाइन जाेडिनेछ ।
कालोसूचीमा राखिएका सेवाग्राही सरकारी स्तरबाट प्राप्त हुने सबै सेवा सुविधाबाट वञ्चित हुनेछन् । केन्द्र अन्तर्गत अहिले करिब ८५ हजार ग्राहकले सेवा लिइरहेका छन् ।
