ऊर्जा खबर
काठमाडौं । नेपाल विद्युत प्राधिकरण सिन्धुली वितरण केन्द्रले १३२÷३३ केभी ढल्केवर सबस्टेसनमा ६३ एमभीएको ट्रान्सफर्मर अपग्रेड सुरु गरेको छ । केन्द्रले ३० एमभीए पावर ट्रान्सफर्मरको स्थानमा नयाँ ट्रान्सफर्मर राख्न लागेको हो ।
आज (मंगलबार) बिहान ६ बजेदेखि ३३ केभीको सिन्धुली फिडरको विद्युत सेवा बन्द गरेर नयाँ पावर ट्रान्सफर्मर अपगे्रडको काम सुरु गरेको केन्द्रले जनाएको छ । केन्द्रका अनुसार नयाँ ट्रान्सफर्मर राख्न करिब एक साता लाग्नेछ ।
ट्रान्सफर्मर जडान गर्ने समयअवधिभर लामोसाँघुबाट दोलखा, चरिकोट, किर्ने, रामेछाप हुँदै सिन्धुलीसम्म सेवा प्रवाह गरिने पनि केन्द्रले जनाएको छ । लामासाँघुदेखि सिन्धुलीको दुरी लामो भएका कारण विभिन्न स्थानहरुमा ट्यापिङ गरी सेवा प्रवाह गरिएको छ ।
ट्यापिङका कारण विभिन्न स्थानमा पटकपटक ट्रिपिङको समस्या आउन सक्ने समस्याले ग्राहकहरुलाई नियमित विद्युत सेवा आपुर्तिमा असहज हुनसक्ने केन्द्रले जनाएको छ । निर्धारित समयअगावै काम सम्पन्न भए तोकिएको तालिका अगावै सेवा सुरु गर्ने पनि केन्द्रले जनाएको छ ।
.jpg){kind=spacer}