ऊर्जा खबर
काठमाडौँ । दैलेखको आठबीस नगरपालिका—३ अन्तर्गत कर्णाली राजमार्ग क्षेत्रमा पर्ने जाक्सी र साई गाउँमा राष्ट्रिय प्रसारण लाइनको बिजुली पुगेको छ ।
६८२ घरधुरी रहेको वडामा भदौ १३ गतेदेखि राष्ट्रिय प्रसारण लाइनको बिजुली पुगेको हो । विद्युत् प्रसारणको रुट विवादले लामो समय रुमल्लिएको वितरण लाइन अन्ततः निर्माण गरी सञ्चालनमा ल्याएपछि सो क्षेत्रका करिब ५० प्रतिशत घरमा विद्युत्को पुहँच पुगेको हो ।
जुम्ला–रारा जाने पर्यटकीय राजमार्गसहित जेनेरेटरबाट सञ्चालित पेट्रोलपम्पसमेत रहेको सो क्षेत्रमा विद्युत्को पहुँचले दैनिक गतिविधि सहज गराउनमा उल्लेख्य टेवा पुग्ने अपेक्षा गरिएको छ ।
नेपाल विद्यत् प्राधिकरण र खानेपानी, सिँचाइ तथा उmर्जा विकास कार्यालय, दैलेखको संयुक्त लगानीमा निर्मित वितरण संरचना रेनु कन्स्ट्रक्सन प्रालि ललितपुरले निर्माण गरेको हो ।
