ऊर्जा खबर
काठमाडौं । २०७८ भदौ र असोज महिनामा नेपाल विद्युत प्राधिकरणका ३८ कर्मचारीले अनिवार्य अवकास पाउने भएका छन् । उमेर हद र सेवा अवधि पुगिसकेका एवं शैक्षिक प्रमाणपत्रका आधारमा २ देखि १२ तहसम्म अनिवार्य कर्मचारले अवकास पाउने लागेका हुन् ।
अबको ६ महिनाभित्र उप–कार्यकारी निर्देशकदेखि कार्यालय सहयाेगीसम्मले अवकास पाउन लागेकाे प्राधिकरणले जनाएको छ । प्राधिकरणका अनुसार भदौ महिनामा अवकास पाउने २६ जना कर्मचारी छन् ।
यस्तै, असोज महिनामा १२ जना कर्मचारीले अवकास पाउँदै छन् । सेवाबाट अनिवार्य अवकास पाउने अर्थ निर्देशनालयका उपकार्यकारी निर्देशक लेखनाथ कोइराला छन् । कोइराला शैक्षिक प्रमाणपत्रको आधारमा भदौ २३ गतेदेखि प्राधिकरणकाे सेवाबाट अनिवार्य अवकास हुन लागेका हुन् ।
यस्तै, ९ तहका उप–प्रबन्धक मनोज बरालले नागरिकता प्रमाणपत्रको आधारमा भदौ १९ गते अवकास पाउँदै छन् । बराल काठमाडौं उपत्यका वितरण प्रणाली सुधार आयोजनामा कार्यरत छन् । ८ तहका सहायक निर्देशक हरी बहादुर क्षेत्री र ७ तहका इलेक्ट्रिकल इन्जिनियर रामनारायण यादवले भदौ ४ गते अनिवार्य अवकास पाउँदैछन् ।
५ तहका कृष्ण बहादुर श्रेष्ठ, कृष्ण प्रसाद सुवेदी, श्याम कुमार कटुवाल, जयराम पराजुली, गणेश पन्जियार, चिरञ्जिवी अधिकारीले पनि भदौ महिनाभित्रै अवकास पाउने छन् । ४ तहका अनिवार्य अवकास पाउनेमा कर्मचारीमा रामप्रसाद आचार्य, जयराम बुढा, देवेन्द्रप्रसाद शर्मा रहेका छन् ।
३ तहका पदम कुमार खड्का, निवास मल्लाह, रामलखनराम यादव, हरीदत्त जोशी, कुलबहादुर भट्टराई छन् । २ तहका मुक्तबहादुर खड्का, सहेन्द्र कामत, नैनसिंह साउद, जुलुम महर्जन, राजु लामा, गिता आचार्य, सोमबहादुर दर्जी र बद्री प्रसाद अधिकारीले अनिवार्य अवकास पाउने भएका छन् ।
असोजमा ७ तहका ३ कर्मचारीले शैक्षिक प्रमाणपत्रको आधारमा अनिवार्य अवकास पाउने भएका छन् । लेखा अधिकृत योग नारायण राय र मेकानिकल इन्जिनियर प्रेम चन्द्र ठाकुरले ७ गते, इलेक्ट्रिकल इन्जिनियर विनोदकुमार सिंह राजपुतले २५ गते अवकास पाउँदै छन् ।
६ तहका पद्यराम आचार्य र प्रेमा जोशीले क्रमश ६,१२ गते अवकास पाउँदै छन् । ५ तहका अवकास पाउनेमा अम्बिका खत्री, टोपलाल खनाल, सहदेव प्रसाद चौधरी र कलक बहादुर बोहोरा रहेका छन् । ४ तहका मोहन सुन्दर बज्राचार्य र रजना न्यौपाने छन् । २ तहका हरीबहादुरले घोलेले पनि अनिवार्य अवकास पाउँदै छन् ।
