ऊर्जा खबर
काठमाडौं । नेपालमा उत्पादित विद्युत खपत बढाउने चर्चा व्यापाक चलिरहँदा २०७९ को पाँच महिनाको अवधिमा करिब १ लाख २८ हजार विद्युतीय चुलो आयात भएको छ । आर्थिक वर्ष (आव) २०७९/८० को साउनदेखि मंसिरसम्मको अवधिमा उक्त विद्युतीय चुलो भित्रिएका हुन्।
मंसिरसम्मको अवधिमा १ लाख २८ हजार ५ सय ५१ विद्युतीय चुलो नेपाल भित्रिएको भन्सार विभागले जनाएको छ । विभागका अनुसार ७५ हजार ६ सय ९४ इन्डक्सन चुलो र ५२ हजार ८ सय ५७ इन्फ्रारेड चुलो आयात भएका छन् ।
सबैभन्दा बढी इन्डक्सन चुलो चिनबाट आयात भएको छ । चीनबाट ६० हजार १ सउ ४१, भारतबाट १५ हजार ५ सय ५२ र युनाइटेड अरब इमिरेड्सबाट एक वटा चुलो भित्रिएको विभागको तथ्यांकमा छ ।
यस्तै, इन्फ्रारेड पनि चीनबाट नै बढी आयात भएको छ । चीनबाट ५० हजार ८ सय ५७ र भारतबाट २ हजार चुलो आयात भएको तथ्यांकमा उल्लेख छ ।
विभागका अनुसार आव २०७८/७९ मा ३ लाख ९२ हजार ९१ वटा चुलो आयात भएको थियो । जसमा चीनबाट इन्डक्सन ६९ हजार ४ सय ३१ र इन्फ्रारेड ३१ हजार ६ सय ५० वटा आयात भएको थियो । भारतबाट इन्डक्सन १० हजार ५९, इन्फ्रारेड ७ सय ४३ र अन्य देशबाट इन्डक्सन २०७ र इन्फ्रारेड १ वटा चुलो भित्रिएको विभागको तथ्यांकमा उल्लेख छ ।
