ऊर्जा खबर
काठमाडौं । नेपाल विद्युत प्राधिकरणले तल्लो र माथिल्लो भोल्टेज स्तरको थ्री फेज मिटर जडानको काम आवेदन दिएको १० दिनभित्र गर्नेछ । प्राधिकरणले थ्री फेज विद्युत आपूर्ति लिन इच्छुक ग्राहकले आवेदन दिएको १० दिनभित्र मिटर जडान गरी सहज रुपमा सेवा उपलब्ध गराउने भएको हो ।
सिंगल फेज मिटर कनेक्सन ५ दिन र थ्री फेज मिटर कनेक्सन १० दिनमा सम्पन्न गर्ने प्राधिकरणले जनाएको छ । प्राधिकरणका अनुसार सो दिनभित्र काम सम्पन्न नभएमा जानकारी गराउनुपर्नेछ ।
आफ्ना ग्राहकहरूलाई छिटो छरितो रूपमा सेवा प्रवाह गर्न सदैव अग्रसर रहेको प्राधिकरणबाट सिङ्गल फेज मिटर कनेक्सन र थ्री फेज मिटर कनेक्सन (जीआईएस गर्नुपर्ने बाहेक) आवेदन दिएको मितिले क्रमशः ५ दिन र १० दिनभित्र नभएमा जानकारी गराउन अनुरोध गरेको छ ।
ग्राहकले थ्री फेज मिटरका लागि अनलाइनबाट आवेदन दिन सक्नेछन् । पहिलेदेखि नै परीक्षणका रुपमा रहेको अनलाइन प्रविधि सफल भएपछि देशव्यापी रुपमा सुरु भएको थियो ।
