ऊर्जा खबर
.jpg)
काठमाडौँ । नेपाल विद्युत् प्राधिकरणले ९०३ मेगावाटभन्दा बढी क्षमताका ११ आयोजनालाई विद्युत् खरिदबिक्री सम्झौता (पिपिए) शुल्क बुझाउन पत्राचार गरेको छ । प्राधिकरणले २०२.८ मेगावाटका नदिप्रवाहमा आधारित (आरओआर) ७ आयोजना र ७००.९ मेगावाटका ४ आंशिक जलाशययुक्त (पिआरओआर) आयोजनालाई पिपिएका लागि शुल्क बुझाउन पत्राचार गरेको हो । प्राधिकरणले पिपिएका लागि आवेदन दिएका मध्ये सीमाभित्र पर्ने रितपूर्वक निवेदन दिएका र सबै कागजात पुगेकाहरुलाई पिपिए गर्ने प्रक्रियामा अघि बढाएको हो ।
प्राधिकरणले आरओआरका लागि ६ हजार ७५० मेगावाटसम्म र पिआरओआरका लागि ४ हजार ५०० मेगावाटसम्म क्षमता सीमाभित्र पर्ने आयोजनाहरुसँग पिपिए गर्ने गरी लागि आवेदन माग गरेको थियो । त्यसमध्ये रितपूर्वक आवेदन परेकाहरुसँग प्राधिकरणले पिपिए गर्ने तयारी अघि बढाएको हो ।
त्यस्तै ३८७ मेगावाटका १९ नदीप्रवाही आयोजना पिपिएका लागि तोकिएको सीमाभित्र परेर पनि पिपिएका लागि रितपूर्वक कागजात नपुगेकोले पिपिए प्रक्रिया अघि बढ्न नसकेको प्राधिकरणले जनाएको छ ।
प्राधिकरणका अनुसार ३५८ मेगावाटका २ आंशिक जलाशययुक्त आयोजना रितपूर्वक कागजात नपुगेका कारण पिपिए प्रक्रियामा जान सकेका छैनन् ।प्राधिकरणले २३.६२४ मेगावाटका ३ पिआरओआर ३ आयोजनाको भने पिपिएका लागि मस्यौदा स्वीकृत गरेको छ ।
यस्ताे छ आयाेजनाकाे सूची
