ऊर्जा खबर
काठमाडौं । नेपाल आयल निगम (एनओसी) ले पेट्रोलियम पदार्थको मुल्य घटाएको छ । निगमको सोमबार बसेको सञ्चालक समितिको बैठकले राती १२ बजेदेखि लागु हुने गरी पेट्रोल, डिजेल र मट्टितेलको मुल्य घटाएको हो ।
खुद्रा बिक्री मूल्यमा पेट्रोल, डिजेल र मट्टितेलमा पहिलो, दोस्रो र तेस्रो वर्गका लागि क्रमश : प्रति लिटिर ७.५० रुपैयाँ , ६ रुपैयाँ र ५ रुपैयाँले घटाएको निगमले जनाएको छ । निगमका अनुसार आन्तरिकतर्फको हवाई इन्धनमा १४ रुपैया तथा अन्तराष्ट्रियतर्फको हवाई इन्धन भने १५ रुपैयाँले घटाएको छ । एल.पी ग्यासको मुल्य भने यथावत नै रहेको निगमले जनाकारी दिएको छ ।
पहिलो वर्ग अन्तर्गत चारआली, विराटनगर, जनकपुर, वीरगन्ज, अमलेखगंज, भलवारी, नेपालगन्ज र धनगढी पर्दछन् भने दोस्रो वर्गमा सुर्खेत र दाङ पर्दछन् । यसैगरी, तेस्रो वर्गमा काठमाडौं, पोखरा र दिपायल पर्दछन् ।
