ऊर्जा खबर
काठमाडौं । सुपर मादी हाइड्रो पावर कम्पनीले साढे ३१ लाख कित्ता साधारण सेयर निष्कासन गर्ने भएको छ । कम्पनीले कास्कीमा निर्माणाधीन ४४ मेगावाटको सुपर मादी जलविद्युत आयोजनाको सर्वसाधारणका लागि छुट्याएको साधारण सेयर निष्कासन गर्न लागेको हो ।
सय रुपैयाँ अंकित ३१ करोड ५० लाख रुपैयाँ बराबरको ३१ लाख ५० हजार कित्ता साधारण सेयर निष्कासन अनुमतिका लागि नेपाल धितोपत्र बोर्डमा आवेदन दिएको कम्पनीले जनाएको छ । कम्पनीका अनुसार बोर्डले अनुमति दिने लगतै पहिलो चरणमा आयोजना प्रभावित स्थानीयका लागि र दोस्रो चरणमा सर्वसाधारणका लागि सेयर निष्कासन गरी बाँडफाँड गरिनेछ ।
कम्पनीले निर्माण गरिरहेको आयोजनाको काम अन्तिम चरणमा पुगेको छ । आयोजनाबाट २०७९ भदौभित्र उत्पादन सुरु गर्ने लक्ष्य छ ।
