ऊर्जा खबर
.jpg)
काठमाडौं । सोलुखुम्बुको सिसा खोलामा २३.५ मेगावाटको सोलु हाइड्रो पावर जलविद्युत आयोजना निर्माण सम्पन्न गरी सञ्चालनमा ल्याएको अप्पर साेलु हाइड्रो इलेक्ट्रीक कम्पनीको सेयर आवेदन खुल्ला भएको छ । कम्पनीले सर्वसाधारणका लागि छुटयाएको साधारण सेयर आवेदन खुल्ला गरेको हो ।
सय रुपैयाँ अंकित १९ करोड ५७ लाख ५० हजार रुपैयाँ बराबरको १९ लाख ५७ हजार ५ सय कित्ता साधारण सेयर निष्कासन गरिएको कम्पनीले जनाएको छ । कम्पनीका अनुसार निष्कासन हुने सेयरमध्ये ३९ हजार १ सय ५० कित्ता कम्पनीका कर्मचारीका लागि र ९७ हजार ८ सय ७५ कित्ता सामुहिक लगानी कोषका लागि छुट्याएको छ ।
बाँकी, १८ लाख २० हजार ४ सय ७५ कित्ता सेयरका लागि सर्वसाधारणले आवेदन दिन सक्नेछन् ।
सेयर खरिदका लागि सर्वसाधारणले छिटोमा असार २३ गतेसम्म र ढिलोमा साउन २ गतेसम्म आवेदन दिनुपर्नेछ ।
सर्वसाधारणले न्यूनतम १० कित्तादेखि अधिकतम १ लाख कित्ताा सम्म आवेदन दिन सक्नेछन् । कम्पनीको सेयर निष्कासन गरी बाँडफाँड गर्न एनएमबी क्यापिटल लिमिटेडलाई बिक्री प्रबन्धक तोकिएको छ । कम्पनीले यसअघि आयोजना प्रभावित स्थानीयका लागि सेयर निष्कासन गरी बाँडफाँड गरिसकेको छ ।
