ऊर्जा खबर
काठमाडौँ । सुपरमाई हाइड्रोपावर लिमिटेडले आफ्ना सेयरधनीका लागि २० प्रतिशत बोनस वितरण गर्ने तथा शतप्रतिशत हकप्रद शेयर निष्काशन गर्ने भएको छ । कम्पनीको माघ २० गते बसेको सञ्चालन समितिको बैठकले यस्तो निर्णय गरेको हो ।
उक्त निर्णयअनुसार हाल चुक्ता पुजीँको २० प्रतिशतका दरले गत आर्थिक वर्षको मुनाफाबाट सेयरधनीलाई लाभा वितरण गर्ने बोनस सेयर निष्कासन गर्ने भएको हो । बैठकले बोनस सेयरको कर प्रयोजनार्थ १.११ प्रतिशत नगद लाभांश वितरण गर्ने र बोनस सेयर वितरणपश्चात् कायम चुक्ता पुँजीको शतप्रतिशत हकप्रद सेयर निष्कासन गर्ने निर्णय गरेको छ ।
विद्युत् नियमन आयोगबाट स्वीकृत भई आगामी वार्षिक साधारण सभाले पारित गरेपश्चात् सो दरमा लाभांश वितरण तथा हकप्रद सेयर निष्कासन गर्ने कम्पनीले जनाएको छ ।
