ऊर्जा खबर
काठमाडौं । आँखु खोला जलविद्युत आयोजनाले करिब ३ कारोड रुपैयाँ खुद नाफा कमाएको छ । कम्पनीले सार्वजानिक गरेको आर्थिक वर्ष २०७८/७९ को तेस्रो त्रैमास सम्मको वित्तिय विवरण अनुसार खुद नाफा कमाएको हो ।
चैतसम्मको अवधिमा ३ करोड १ लाख ५१ हजार रुपैयाँ खुद नाफा कमाएको कम्पनीले जनाएको छ । कम्पनीका अनुसार गत वर्ष यही समयअवधिमा घाटामा रहेको कम्पनीले नाफा कमाएको हो । गत वर्ष २ करोड ७७ लाख ७७ हजार रुपैयाँ घाटामा थियो ।
यो अवधिमा ८.४ मेगावाटको आँखु खोला जलविद्युत केन्द्रले विद्युत बिक्री गरी १७ करोड ३७ लाख ९६ हजार रुपैयाँ आम्दानी गरेको छ । कम्पनीले गरेको आम्दानी गत वर्षको तुलनामा बढेको छ । गत वर्ष १४ करोड ७८ लाख ७७ हजार रुपैयाँ खुद नाफा कमाएको थियो ।
यस्तै, अन्य स्रोतबाट ६ लाख ७६ हजार रुपैयाँ आम्दानी गरेको कम्पनीले जनाएको छ । गत वर्ष ९ लाख ३१ हजार रुपैयाँ आम्दानी गरेको थियो ।
कम्पनीले धादीङमा निर्माण सम्पन्न गरेको जलविद्युत आयोजनाले २०७० भदौ ८ गतेदेखि नियमीत विद्युत उत्पादन गरीरहेको छ ।
