ऊर्जा खबर
काठमाडौं । नेपाल विद्युत प्राधिकरणकी पहिलो उप-कार्यकारी निर्देशक गोसाई केसीको निधन भएको छ । ललितपुरकाे जाउलाखेलमा सेनाको परिवारमा हुर्किएकी केसीको निधन भएको हो ।
केही वर्षदेखि क्यान्सर रोगबाट पीडित केसीको पुस १७ गते (आइतबार) निधन भएको पारिवारीक स्रोतले जानकारी दिएको छ । साना जलविद्युत विकास समितिको अधिकृतको रुपमा जागिर शुरु गरेकी केसीले प्राधिकरणको पहिलो निर्देशक र उप–कार्यकारी निर्देशकको रुपमा ३० वर्ष बिताएकी थिइन् ।
विकास समिति २०४२ सालमा स्थापना भएको नेपाल विद्युत प्राधिकरणमा गाभिएपछि उनको प्रवेश प्राधिकरणमा भएको थियो । उनले १३ वर्षकै उमेरमा प्रवेशिका परीक्षा (एुसएलसी) पास गरेकी थिइन् । प्रशासनमा एमए गरी सानो ठिमी क्याम्पसमा सहायक प्राध्यापकको रुपमा केही समय काम गरेपछि विकास समितिमा जागिर सुरु गरेकी थिइन् ।
.jpg)
